Notarët kosovarë kthehen me 13 medalje nga Turqia

Prishtinë, 5 gusht - Notarët e Përfaqësueses së Kosovës kanë fituar 13 medalje në garën ndërkombëtare “International Prince Islands Swimming Championship”, që u mbajt në Stamboll të Turqisë. Sipas një njoftimi të Federatës së Notit të Kosovës, notarët kosovarë kanë fituar gjashtë medalje të arta, katër të argjendta e tri të bronzta.

Lum Zhaveli ka fituar dy medalje të arta e një të argjendtë, Rita Zeqiri katër të arta, një të argjendtë e një të bronztë, Vlera Llalloshi dy të argjendta e një të bronztë, ndërsa Flaka Pruthi një medalje të bronztë.

Ky ishte edicioni i 29-të i këtij turneu, ndërsa Kosova garoi për herë të pestë.

Sipas FNK-së, në garë u paraqitën rreth 600 notarë nga Rusia, Bullgaria, Bosnjë-Hercegovina, Turqia, Egjipti, Uzbekistani e Kosova. Kosova u përfaqësua me gjithsej tetë notarë.