Thaçi shtroi iftar në Prizren

Kryeministri i Republikës së Kosovës, Hashim Thaçi shtroi iftar për nder të Bashkësisë Islame te Prizrenit.
Në iftar ishin të pranishëm kryeimami i Prizrenit Ali Vezaj, përfaqësues të Bashkësisë Islame të Prizrenit, kryetari i komunës së Prizrenit, Ramadan Muja, deputetë të rajonit të Prizrenit dhe të ftuar të tjerë.

Kryeministri Thaçi përgëzoi përfaqësuesit fetarë të Prizrenit për punën e mirë që bëjnë dhe i uroi për agjërimin gjatë muajit të Ramazanit, thuhet në njoftimin e lëshuar nga Qeveria.