Kosovari ndihma për fëmijën tetraplegjik në Shqipëri

Një emigrant kosovar në Gjermani ka udhëtuar drejt familjes së fëmijës 13-vjeçar tetraplegjik në Dukaj të Tepelenës.
Enis Krasniqi ka dhuruar për familjen Hysi një lavatriçe që ka mbërritur në zonën e largët falë një transporti mjaft të vështirë.

Historia e 13 vjeçarit, Bedo Hysi, fëmija që jeton si tetraplegjik në një zonë të largët të Tepelenës ka vijuar të jetë një rast i ndjeshëm për tu ndihmuar, transmeton TCH.

Enis Krasiniqi një emigrant kosovar që jeton prej vitesh në Gjermani udhëtoi drejt fshatit Dukaj bashkë me mikun e tij per t’i ndihmuar, pasi thotë se pati dëshirën ta vizitojë familjen sapo u njoh me rastin, i denoncuar në disa raste prej “Top-Channel”.

”Ndihmat për familjet në Shqipëri”, thotë ai “janë mirënjohjeje edhe për atë që familjet shqiptare bënë gjate luftës së Kosovës”.

Shadija, nëna e fëmijës tetraplegjik thotë se ndihet shumë e prekur nga ndihmat qe i kane mbwrritur pwr djalin e saj te mitur.

Familja jeton në varfëri ekstreme, me të ardhura minimale në një zonë të thellë pranë fshatit Dukaj.

Më parë, Kryqi i Kuq e mbështeti këtë familje me një karrocë për persona me aftësi të kufizuar dhe një paketë të plotë ndihme, ndërsa 2 emigrantë të tjerë në Gjermani dhe Angli dhuruan për familjen njw shume te hollash.